تمديد التقديم لبعثات جامعة الكويت الى يوم ١٧/ ١١

تم تمديد التقديم لبعثات جامعة الكويت الى يوم ١٧نوفمبر. .البعثات لدراسة الماجستير والدكتوراه

هذا موقع الجامعة 

http://kucultural.kuniv.edu.kw/2_ad.htm

اللي عنده اي أسئلة أو استفسار عن البعثات خصوصا بكلية العلوم الادارية يقدر يسألني .يمكن أقدر افيده خصوصا اني اشتغل مدرس مساعد (معيدة)  بالكلية. لو ما عرفت الجواب قد اوجهكم حق الشخص المطلوب اللي يجاوب على استفساركم

موفقين ان شاء الله 🙂

Email: website@peachbox.com  

This entry was posted in Education and tagged , , , . Bookmark the permalink.

38 Responses to تمديد التقديم لبعثات جامعة الكويت الى يوم ١٧/ ١١

  1. Ibrahim Almasoud says:

    السلام عليكم
    كيف حالج اختي؟
    عندي بس سؤال عن بعثات جامعة الكوبت
    اب قسم العلوم٫ تخصص بيولوجيا جزيئية
    يقبلون خريج
    University of Bristol, Britain, Subject: Pathology and Microbiology?
    جامعة بريستول٫ بريطانيا٫ تخصص علم الامراض والميكروبيولوجي؟
    شكراً

  2. DM says:

    وعليكم السلام ورحمة الله وبركاته.
    كل قسم عنده لوائح تخص فيه فما اعرف عن كلية العلوم والجامعة شالت الاعلان اللي حطته علشان اشوف لك لو كاتبين. احسن طريقة انك تدق على القسم وتكلم احد دكاترتهم هم اكثر ناس يقدرون يفيدونك
    http://biosci.kuniv.edu/molec_faculty_contacts.htm
    هذي لستة الدكاترة وارقام مكاتبهم وايميلاتهم
    وهذي لستة الجامعات المعتمدة لدارسة الماجستير والدكتوراه بالتخصص
    http://kucultural.kuniv.edu.kw/2_recog_univ.htm

  3. سارة says:

    السلام عليكم
    اختي عندي استفسار بالنسبة حق التقديم الياي متى بيكون ان شاء الله
    و بالنسبة حق التقديم حق تخصص علم الحيوان في كلية العلوم جم اعداد الظلبة اللي يقدمون و ادا واحد كان معدله 3.15
    هل ممكن ان ينقبل ولا صعبه ؟
    شكرا

    • DM says:

      انا حاليا متواجدة خارج الكويت باجازة الربيع فما اقدر اسألج بالضبط. بس اخر سنتين نزل الاعلان بشهر ستة وفي اخر اعلان تم تمديد فترة التقديم حتى نوفمبر والسنة اللي قبلها مددو الفترة حتى شهر اغسطس. اما بخصوص حظوظ الواحد تعتمد على عدد ومستوى الناس اللي بمقدمه ومؤهلاتهم. انا لاحظت مؤخرا بأن العدد بشكل عام قام يزيد.. لما الاقتصاد تعبان وفرص العمل قليلة، اعداد المتقدمين يزيد اما لما الاقتصاد زين وفرص زينة يقل العدد المتقدمين.. تبين تزيدين فرصة قبولج.. شوفي الجامعات المعتمدة بقسم علم الحيوان.. وقدمي من الحين..شوفي شنو يحتاجون توفل او جي ار اي..الخ.. لو قدرتي اتييبين لج قبول من اي جامعة فراح يزيد من فرصتج للحصول على البعثة.. معظم الجامعات تفتح باب التقديم بشهر اغسطس وبعدين تسكره بشهر ديسمبر/يناير.بس من الحين شوفي شنو المتطلبات الجامعات واشتغلي عليها. قد تحتاجين تشتركين بدورات بالتوفل او جي ار اي.. الخ. فعندج وقت للتحضير للامتحانات..موفقة ان شاء الله

  4. غنّوم says:

    مشكورة اختي داليا، انا خريج محاسبة ومقدم على قسم التمويل ، سؤالي عن مقابلات قسم التمويل هل هي بالانجلش والا بالعربي؟

    ومشكورة مرة ثانية ، مادري ويني عن هالبلوق الطيب من زمان ؟ 🙂

    • DM says:

      أظن معظم الاوقات تكون بالعربي بس ساعات يسألون بالانجليزي. بعض نصايح اللي يمكن تفيدك
      راجع المعادلات الرئيسة بالمبادئ والمتوسطة والاستثمار والتمويل الدولي وكل وحدة شنو تعني وشنو تحسب
      حاول أن تكون هادئ بالإجابة.
      وموفق إن شاء الله

      • غنّوم says:

        مشكوووورة اختي داليا ما قصرتي، سؤال ثاني اذا ممكن؛
        شنو الاسئلة اللي يسألونها؟ وهل اكثرها بالتخصص؟ وجم تقريبا تستمر المقابلة؟

        • DM says:

          أسئلة عن التخصص وليش تبي تصير دكتور وساعات يعطونك أمثلة مواقف عن التدريس والطلبة ويسألونك شنو تسوي لو صار لك موقف معين تخص
          اتوقع المقابلة تكون عشر الى خمس عشر دقيقة

  5. A+ says:

    السلام عليكم

    يعطيج العافية

    ماعليج امر انا ناوية اقدم ان شالله حق البعثات الياية ماتدرين متى ينزلونها؟؟
    وبالنسبة حق العلوم الادارية شنو ترشحين لي جامعات امريكية اقدم عليها الحين؟

    ومشكورة وايد على استعدادج للمساعدة 🙂 والله يوفقج ان شالله

    • DM says:

      سألت لج ..يقولون احتمأل كبير باغسطس ويمتد حق شهر يناير. شنو تبين تقدمين عليه بعثة ماجستير ودكتوراه او دكتوراه فقط وشنو التخصص؟

  6. A+ says:

    ماجستير ودكتوراه

    ادارة وتسويق

    مشكورة انج سألتيلي

    • DM says:

      موفقه ان شاء الله. راح الون لج الجامعات اللي عندج اكبر فرصة للحصول على القبول واطرشها لج ايميل بإذن الله. بلشي من الحين وقدمي على الجامعات وضبطي امورج. اشتركي بدورات جمات وتوفل لو تحتاجينهم وامتحني جمات وتوفل واخذي من دكاترتج رسائل التزكية علشان لما يصير موعد المقابلة للبعثة ولوكان عندج قبول جاهز فرصتج راح تكون كبيرة للحصول على البعثة. حاولي أن تقدمين على ثلاثين جامعة لان الحين صاير وايد منافسة والقبول صعب.

  7. waleed says:

    السلام عليكم

    يعطيج العافية اخت داليا واتمنى انج تجاوبيني على جم سؤال 🙂
    الحين اذا على كلامج فتحو المجال من شهر اغسطس لي يناير يعني ما راح اقدر الحق عالفول عدل فاقدم على سبنرق٢٠١٣
    ولو انقبلت ودرست الماجستير اقدر اشتغل معيد بالجامعة لفترة بعدين اكمل الدكتوراة؟ ولا لازم على طول اكمل الدكتوراة؟
    وبالنسبة حق فترة الدراسة، جم معاش مبتعثين جامعة الكويت في امريكا .؟
    ويعطيج العافية 🙂

    • DM says:

      According to people I spoke to, the application time will open from August until January. Then they send the files to the colleges to conduct interviews. The interviews usually happen between February & May. You usually hear about the decision 1-2 months after the interviews (Maximum in June). If you have already applied and obtained an admission from a university, you can travel for Fall 2013. If you didn’t apply, you can travel for for Spring 2013 or Fall 2014.

      You can’t work as TA after you study MBA. You must continue your PhD after MBA right away.

      Regarding the salary, you will be paid twice. Salary from Kuwait University & a monthly allowance to cover living expenses. I remember the salary is around 900KD and the monthly allowance around $1500 but I think they increased both of them.

      Good luck!

  8. Dr. Abdulla says:

    السلام عليكم ورحمه الله وبركاته .. يعظيج العافيه اختي داليا
    بغيت استفسر عن بعثات جامعه الكويت لدراسه الماجستير والدكتوراه متى راح يبطلون وهل احتاج اييب القبول مال الجامعه والتوفل والبورد الامريكي قبل لا يفتح التسجيل للبعثات ولا لاء ؟
    وشكرا لج مقدماً ومبارك عليج باقي الشهر

    • DM says:

      وعليكم السلام. المفروض ينزل الاعلان بشهر ثمانية بس اظن تأجل الى شهر تسعة. كل قسم له شروطه أنا صراحة ما عندي خبره بكلية الطب بس ادري من سنة اللي طافت تم تطبيق نظام جديد لتقييم الطلبات وراح تدخل من ضمنها حصولك على قبول من جامعة وتعادل ١٠٪ من وزن التقييم. انا انصحك بانك من الحين تسعى لتجهيز متطلبات الجامعات مثل التوفل او جي ار اي او الجمات لان بعض الاقسام بالكليات تطلب درجة معينة لبعض الامتحانات علشان تقبل اوراقك وهم اخذ اللستة للجامعات المعتمدة من القسم اللي تبي تقدم عليه وقدم من الحين. اذا تبي تعرف الشروط دق على قسم اللي تبي تقدم عليه. واسال لو في اي دكتور متواجد حاليا لرد على استفسارتك لو ما في اخذ منهم رقم مكتب البعثات بكلية الطب وعلشان تاخذ منهم لستة الجامعات المعتمدة ويقولون لك شنو شروط القسم.

    • DM says:

      Follow Kuwait University Official Twitter account to receive the announcement. This is the account: @K_University

  9. mohdalattar says:

    مرحبا استاذه داليا ، عندي استفسار بخصوص التوفل
    هل ممكن ان اكتفي بالايلتس ؟

    قسم الجغرافيا مافي جامعات معتمده سمعت انه انا ايب الجامعه بس لازم تكون جامعه عريقه وصار لها فتره ماهي معهد وصار جامعه واذا وافقو عليه اللجنه ممكن اني ابتعث لها ،،، هل هذا الكلام الصحيح ؟؟

    شكرا لج

    • DM says:

      والله ما عندي علم على قسم الجغرافيا وشروطها. الاحسن ان تدق على القسم مباشرة وتسأله أو تدق على مكتب البعثات للكلية اللي ينتمي اليها القسم

  10. M-ab says:

    السلام عليكم و رحمة الله و بركاته .. انا كان عندي سؤال .. انا السنه الي طافت ما قدرت اقدم لبعثات اكمل ماجستير و دكتوراه في القانون .. و قلت عشان لا افلس اقدم اهني بالكويت و انقبلت .. بس انا ودي حيل الله يعلم شكثر اني اقدم على بعثات هالسنه اذا نزلت و اذا انقبلت اسحب الماجستير من الكويت . انا كان سؤالي متى يفتح باب التقديم للبعثات هالسنه ؟ و انا الحين قاعد اجهز للتوفل ibt و بقدم على جامعه معتمده في بريطانيا اول ما انجح انشاءالله في التوفل و انشاءالله خير اسفه عالازعاج والله

    • DM says:

      It was supposed to be last month but I think it was postponed so either this month or November. If you have a twitter account, follow Kuwait University official account @K_University they will announce on it once they are ready to accept applications

      موفق ان شاء الله

  11. M-ab says:

    انا قاعد اجهز للتوفل و عقب ما اخذ انشالله الدرجه المطلوبه رح ادز للجامعه عشان انشالله اخذ القبول

  12. Aseel says:

    السلام عليكم أخت داليه
    لو سمحتي ما تدرين متى يفتحون باب القبول لمعيدي البعثات للعلوم الإدارية؟
    وبالنسبة لنتيجة التوفل وال GRE نقدمهم مع وقت التسجيل ولا بعد القبول حزت المقابلة؟

    • DM says:

      I think they should announce very soon. It was supposed to be September but they kept postponing. Follow Kuwait University official twitter account. They will announce there so you won’t miss it. As for the TOEFL, GRE and GMAT, you have to submit along with your application but you can submit newer GMAT, TOEFL and GRE scores to the department you are applying to before the interviews.

    • DM says:

      To improve your chances at getting the scholarship, apply to universities from now. Get the Approved University List from CBA website-Scholarship section and start applying now.

  13. n_b says:

    السلام عليكم و رحمة الله و بركاته
    استاذه عندي استفسار ، إذا كنت موظفة وانا خريجة جامعة الكويت في مجال يقبلوني معيد بعثة ؟و متى ان شاء الله راح تنزل
    اعلانات بعثات هالسنة

    • DM says:

      وعليكم السلام. نعم في مجال يقبلونج. لو حصلتي على البعثة. ما يحتاج تقدمين استقالتج الا شهر قبل السفر. ما اعرف متى الاعلان راح ينزل بس المفروض عن قريب. تابعي حساب الرسمي للجامعة وراح يعلنون فيه ان شاء الله. ضبطي امورج من الحين وقدمي على امتحان توفل وجمات او جي ار اي واخذي لستة الجامعات من القسم اللي راح تقدمين عليه وقديمي على الجامعات من الحين. حصولج على قبول في البرنامج راح يزيد من فرصتج

  14. Mam says:

    مرحبآ .. اشكرج على المعلومات جداً مفيده .. بس عندي سؤال انا ودي اقدم على برنامج الماجستير في مجال التربيه بس خبرتي ٣ سنوات إلآ ٦ شهور ! ماادري هل ينرفض الطلب والا رايج امتحن اكثر من توفل و ازهب الطلبات لحد شهر ١٢ الياي ؟ انت فعلا محتاره اخاف آخذ رسائل تزكية و تدرج وظيفي و يكون للاوراق مده زمنيه معينه وماينفعوني ؟ و بليز وضحي لي فكرة الابتعاث اذا ممكنه بمجالي

    شكرآ على الإفاده و بإنتظار الاجابه .. تحيآتي 🙂

    • DM says:

      رسائل التزكية ما فيها مدة وتنتهي اما توفل فهو سنتين. بخصوص الابتعاث هو اما دراسة ماجستير ودكتوراه (خارج الكويت) او دراسة دكتوراه (خارج الكويت) في حال عندج الماجستير. بعد انتهاء الدراسة، تتعينين بجامعة الكويت كدكتورة. انا اللي فهمته منج بانج تبين تدرسين للماجستير فقط..لتقدرين تقدمين على كلية الدراسات العليا لو برمانج الماجستير متوفر في تخصصج. لان الابتعاث لازم يكون للدكتوراه

  15. Mam says:

    يعطيج العافيه .. شكراً على الاجابه

  16. Latifa says:

    السلام عليكم .. انا متخرجه من علوم اجتماعية تخصص علم نفس معدلي العام و الخاص ٣:٩٠وعندي كذا استفسار .. هل الخبره (الوظيفه) مطلوبه كشرط للقبول في البعثات(ماجستير ودكتوراه ) ام يقبلوني حتى لو كنت طالبه توني متخرجه؟
    وشلون اعرف شنو التخصص اللي يبيه القسم ؟ وشلون اعرف قائمه اسماء الجامعات المعتمده؟ هل القسم نفسه وصراحه ماني عارفه وين مكتب البعثات اللي تتبعه كليتي .. ياليت تفيديني وشكرا

  17. Latifa says:

    بس للتوضيح وهل اذا كنت توني متوظفه وبقدم عالبعثات لازم أخذ موافقة الجهه الحكوميه اللي اشتغل فيها؟ ولا مالهم شغل ؟ وهل اذا قبلوني البعثات اقدم استقالتي ؟
    وودي تفيديني بهللخصوص

    • DM says:

      الخبرة الوظيفية ليست شرط من شروط البعثة. اما بخصوص لستة الجامعات والتخصص الدقيق. تاخذينه من القسم او مكتب البعثات. غالبا يكون مكتب البعثات قريب من مكتب العميد ومساعدينه. سألي وان شاء الله يقولون لج وينه. لو كنتي موظفة بالحكومة و حصلتي على البعثة وبغيتي تسافرين. بس تقدمين اوراق نقل بدون تقديم استقالة على ما أظن.

Comments are closed.